ވިޔަނުދިނުމަކީ ކޮމިޝަންގެ މައިގަނޑު އެއް ސްޓްރެޓެޖީއެވެ. 2015 ވަނަ އަހަރު ކޮމިޝަންގެ އިދާރީ އޮނިގަނޑަށް ގެނެވުނު ބަދަލާ ގުޅިގެން 1 މާރިޗު 2015 ގައި ޕްރިވެންޝަން އެންޑް ރިސަރޗް ޔުނިޓުގެ ނަމުގައި ޔުނިޓެއްވަނީ ކަނޑައަޅައިފައެވެ. މި ޔުނިޓްގެ މައިގަނޑު މަސައްކަތްތަކަކީ:
- ކޮރަޕްޝަން ޕްރިވެންޝަން މަސައްކަތަށް ބޭނުންވާ ދިރާސާތައްކޮށް އެސެސްމެންޓްތައް ހެދުން
- އެހެނިހެން އިދާރާތަކުން ނެރޭ ކޮރަޕްޝަނާ ގުޅުންހުރި ރިޕޯޓްތައް ދިރާސާކުރުން
- ކޮމިޝަންގެ ސްޓްރެޓީޖިކް އެކްޝަން ޕްލޭން ތަންފީޒުކޮށް މުރާޖަޢާ ކުރުން
- ކޮމިޝަންގެ އަހަރީ ރިޕޯޓަށް ބޭނުންވާ މަޢުލޫމާތު އެއްކޮށް، ރިޕޯޓް ތައްޔާރުކުރުން
- ކޮމިޝަންގެ ތަފާސްހިސާބު ނިޒާމުގެ ދަށުން ތައްޔާރުކުރަންޖެހޭ އެންމެހާ ތަފާސްހިސާބު އެއްކޮށް، މުރާޖަޢާކޮށް، ބަލަހައްޓައި ޢާންމުކުރަންޖެހޭ ތަފާސްހިސާބު ރިޕޯޓްތައް ކޮމިޝަނުން ކަނޑައަޅާ ގޮތެއްގެ މަތިން ތައްޔާރުކޮށް ޝާއިޢުކުރުން
- ކޮމިޝަންގެ މީޑިއާ ޕޮލިސީގެ ދަށުން ކޮމިޝަންގެ ވެބްސައިޓްތަކާއި ސޯޝަލްމީޑިއާއަށް ބޭނުންވާ މަޢުލޫމާތާއި ޚަބަރު ތައްޔާރުކުރުން
- ނަޒާހަތްތެރިކަމުގެ ޤައުމީ ޕްލޭން އެކުލަވާލައި ތަންފީޒުކުރުމަށް ކުރަންޖެހޭ އެންމެހާ މަސައްކަތްތައް ކުރުން
- ކޮމިޝަންގެ ވެބްސައިޓް އަދި ސޯޝަލްމީޑިއާއަށް ބޭނުންވާ ދިވެހި/އިނގިރޭސި މަޢުލޫމާތާއި ޚަބަރު ތައްޔާރުކޮށް ޢާންމުކުރުން
- ކޮމިޝަންގެ ތަރައްޤީއަށް ކަނޑައެޅޭ ދާއިރާތަކުން، ‘ކެޕޭސިޓީ ޑިވެލަޕްމަންޓް ނީޑްސް’ ޕްރޮޕޯސަލްތަކާއި ކޮންސެޕްޓް ކަރުދާސް ތައްޔާރުކުރުން
- ކޮމިޝަންގެ ސެކްޝަންތަކުގެ ހިންގުން ހަރުދަނާކުރުމަށް ބޭނުންވާ އެސެސްމަންޓްތައް ހެދުން
- ކޮރަޕްޝަނާ ދެކޮޅަށް މަސައްކަތްކުރުމުގައި ދައުލަތުގެ އިދާރާތަކާއި ޖަމިއްޔާ ޖަމާއަތްތަކާއި ގުޅިގެން ޤައުމީ، ސަރަޙައްދީ އަދި ބައިނަލްއަޤްވާމީ ފެންވަރުގެ ސެމިނަރ/ކޮންފެރެންސްތައް ރާވައި ހިންގުން
- ކޮރަޕްޝަން ވިޔަނުދިނުމާއި ހޭލުންތެރި ކުރުވުމާގުޅޭގޮތުން ކޮރަޕްޝަންގެ މާޢުޟޫއުތަކަށް ‘ހުދުކަރުދާސް’ ތައްޔާރުކުރުން
- ކޮމިޝަނުން ކޮންމެ ކުއާޓަރއަކު އެއްފަހަރު ނެރޭ ‘ބިތުފަންގި ބުލެޓިން’ އަށް ބޭނުންވާ މަޢުލޫމާތު އެއްކޮށް، ބުލެޓިން ތައްޔާރުކޮށް، ޝާއިޢުކޮށް ޑިސެމިނޭޓްކުރުން
- ޔުނިޓްއާ ހާވާލުކުރެވޭ ތަފާތު ރިޕޯޓްތައް ރިވިއުކޮށް ކޮމެންޓްކުރުން
- ޤައުމީ އެންޓި-ކޮރަޕްޝަން ދުވަހާއި ބައިނަލްއަޤުވާމީ އެންޓިކޮރަޕްޝަން ދުވަހާއި މި ނޫނަސް ކޮމިޝަނުން ފާހަގަކުރާ އެހެނިހެން ދުވަސްތަކާ ގުޅިގެން ކޮމިޝަނުން ކުރިއަށް ގެންދާ ހަރަކާތްތަކުގައި ބައިވެރިވުން