އެންޓި-ކޮރަޕްޝަން ކޮމިޝަން

ކޮރަޕްޝަން ނައްތާލާ މަނާކުރުމުގައި ދުނިޔޭގެ އެކި ޤައުމުތަކުން ގެންގުޅޭ އުޞޫލުތަކަށް އަހުލުވެރިވުމަށްޓަކައި ތަފާތު ޤައުމުތަކުގައި އެފަދަ މަސައްކަތްތައް ހިނގާ ގޮތް ދަސްކުރުމަށް ދަތުރުކުރުމުގެ ފުރުޞަތު، އެ ފަދަ ޤައުމުތަކުގެ އިދާރާތަކާ ގުޅިގެން ހޯދުމުގެ މަސައްކަތް އަބަދުވެސް ހިނގައެވެ. އަދި 2018 ވަނަ އަހަރުގައި މިކަމަށް ޚާއްޞަ ސަމާލުކަމެއް ދީގެން ދުރުރާސްތާ ގިނަ މަސައްކަތްތަކެއް ދަނީ ކުރެވެމުންނެވެ. އެގޮތުން އިންޑިޔާ، މެލޭޝިއާ، ޗައިނާ، ޖަޕާން، ކޮރެއާ އަދި ޔޫއެންއޯޑީސީއާ ގުޅިގެން ކަމާބެހޭ އިދާރާތަކާ މުޢާމަލާތްކުރެވި ތަފާތު ފުރުޞަތުތައް ހޯދުމަށް މަޝްވަރާކުރެވި ބައެއް ފުރުޞަތު ތަނަވަސް ވެފައިވެއެވެ.