އެންޓި-ކޮރަޕްޝަން ކޮމިޝަން

މިނިސްޓްރީ އޮފް އެޑިއުކޭޝަންގެ އިސްވެރިންނާއި އެކު އޭ.ސީ.ސީގެ ފަރާތުން ފޯކަސް ގްރޫޕް ބައްދަލުވުމެއް ބާއްވައިފިއެވެ. މި ބައްދަލުވުމުގައި އެ އިދާރާއަށް ނިސްބަތްވާގޮތަށް އޭ.ސީ.ސީއަށް ހުށަހެޅިފައިވާ މައްސަލަތަކާއި ގުޅިގެން ދެވިފައިވާ ލަފައާއި އަދި އެފަދަ މައްސަލަތަކަށް މަގުފަހިވިޔަ ނުދިނުމަށްޓަކައި އެ އިދާރާއަކަށް އެޅިދާނެކަމަށް ފެންނަ ފިޔަވަޅުތަކުގެ މަޢުލޫމާތު ބައިވެރިންނާއި ހިއްސާކުރެވުނެވެ.

23 ޑިސެންބަރު 2020 ވީ ބުދަ ދުވަހު މިނިސްޓްރީ އޮފް އެޑިއުކޭޝަންގެ އިދާރާގައި ބޭއްވުނު ބައްދަލުވުމުގައި މިނިސްޓަރ ޑރ. ޢައިޝަތު އަލީ އަދި އެ މިނިސްޓްރީގެ އިސްވެރިން ބައިވެރިވެފައިވެއެވެ. 1 ގަޑިއިރުގެ މި ބައްދަލުވުމުގައި މައުލޫމާތު ދެއްވީ އޭސީސީގެ ކަމާބެހޭ ފަންނީ މުވައްޒަފުންނެވެ.