އެންޓި-ކޮރަޕްޝަން ކޮމިޝަން

އެންޓި–ކޮރަޕްޝަން ކޮމިޝަންގެ އޮފީހެއް އައްޑޫ ސިޓީގެ ހިތަދޫގައި ގާއިމްކުރުމަށް އެންޓި–ކޮރަޕްޝަން ކޮމިޝަނުން ނިންމައިފިއެވެ. މި އޮފީހަކީ އައްޑޫ ސިޓީއާއި ގއ.ގދ. އަދި ޏ އަތޮޅުގައި ގާއިމްކުރެވިފައިވާ ދައުލަތުގެ އިދާރާތަކާގުޅޭގޮތުން ހުށަހެޅޭ ކޮރަޕްޝަންގެ މައްސަލަތައް ބެލުމާއި، ކޮރަޕްޝަންގެ ޢަމަލުތަކާމެދު އެއަތޮޅުތަކުގެ އިދާރާތަކުގެ މުވައްޒަފުންނާއި ޢާއްމު ރައްޔިތުން ހޭލުންތެރިކުރުމުގެ ޙަރަކާތްތައް އިންތިޒާމު ކުރުމުގެ މަސައްކަތްތައް ކުރުމަށް ޤާއިމްކުރެވޭ އޮފީހެކެވެ. އައްޑޫ ސިޓީގައި ޤާއިމްކުރެވޭ އެންޓި–ކޮރަޕްޝަން ކޮމިޝަންގެ އޮފީހަކީ ކޮމިޝަންގެ މަސައްކަތްތައް ހަލުއިކުރުމަށް ކޮމިޝަނުން އިސްނަގައިގެން ކުރިއަށް ގެންދާ ޙަރަކާތްތަކުގެ ތެރޭގައި ހިމެނޭ އެއް ޙަރަކާތެވެ.

އައްޑޫ ސިޓީ ހިތަދޫގައި ޤާއިމް ކުރެވޭ އޭސީސީގެ އޮފީސް ހުޅުވުމަށް ހަމަޖެހިފައިވަނީ 01 ޑިސެމްބަރ 2015 ގައެވެ.