އެންޓި-ކޮރަޕްޝަން ކޮމިޝަން

 

މޯލްޑިވްސް ޕޮލިސް ސަރވިސް އިން ފުލުހުންނަށް ކުރިއަށްގެންދާ ޑިޕްލޮމާ އިން ޕޮލިސިންގ ކޯހުގެ ބައިވެރީންނަށް އެންޓި-ކޮރަޕްޝަން ކޮމިޝަން އިން މަޢުލޫމާތު ދިނުމުގެ ސެޝަނެއް 24 ޖަނަވަރީ 2016 ގައި ކުރިއަށް ގެންގޮސްފިއެވެ. މި ސެޝަންގައި މަޢުލޫމާތު ދީފައިވަނީ އެންޓި-ކޮރަޕްޝަން ކޮމިޝަންގެ މަސައްކަތްތަކާއި، އެންޓި-ކޮރަޕްޝަން ކޮމިޝަންގެ ޤާނޫނާއި، ކޮރަޕްޝަން ހުއްޓުވުމާއި މަނާކުރުމުގެ ޤާނޫނާއި، ދިވެހިރާއްޖޭގެ ޤާނޫނުލްޢުޤޫބާތާ ބެހޭގޮތުންނެވެ. މި ސެޝަންގައި މަޢުލޫމާތު ދީފައިވަނީ ކޮމިޝަންގެ ނައިބުރައީސް މުއައްވިޒް ރަޝީދު އާއި ލީގަލް އޮފިސަރުންކަމުގައިވާ މުޙައްމަދު ނިޝާޠު އާއި ފާޠިމަތު އަނޫލާ އެވެ. މި ސެޝަންގައި މޯލްޑިވްސް ޕޮލިސް ސަރވިސްގެ 35 ފުލުހަކު ބައިވެރިވެފައެވެ.