Loading ...
2016 އަހަރީ ރިޕޯޓް 
ޕޮޒިޓިވް ތިންކިންގ އަދި ޕޮޒިޓިވް އެޓިޓިއުޑް އާބެހޭ ޓްރޭނިންގ 
މަގޭ ވޯޓް – މަގޭ ނަޒާހަތްތެރިކަން” ކެމްޕޭން” 
ކޮރަޕްޝަނުގެ ސަބަބުން ދަޢުލަތަށް ގެއްލިގެންދާ މުދަލާއި ފައިސާ އެއްވެސް ޝަރުތެއްނެތި ދައުލަތަށް އަނބުރާ ލިބެންޖެހޭކަމަށް އޭސީސީގެ ރައީސް މަރްޔަމް ޝިއުނާ ވިދާޅުވެއްޖެއެވެ. ކޮމިޝަނުގެ ރައީސް މި ގޮތަށް ވިދާޅުވެފައިވަނީ، ބައިނަލްއަޤްވާމީ އެންޓި-ކޮރަޕްޝަން ދުވާހާ ގުޅިގެން 9 ޑިސެންބަރު 2019ގައި އޭސީސީ އިން ނެރުނު ބުލެޓިންގެ ޚާއްޞަ އަދަދަށް ދެއްވި ޚިޠާބުގައެވެ.
ކޮރަޕްޝަންގެ ޢަމަލުތައް މަނާކުރާނެ ޤާނޫނެއްގެ އިތުރުން ކޮރަޕްޝަނާ ދެކޮޅަށް މަސައްކަތްތައް ކުރާނެ ވަކި ވަކި ފަރުދުން ބޭނުންވާކަމަށާއި، ކޮރަޕްޝަންގެ އަމަލުތަކަށް ޖާގަ ނުދިނުމަށް މުއައްސަސާތަކުގެ މުވައްޒަފުން އަޒުމް ކަނޑައަޅަން ޖެހޭކަމަށާއި މުޖުތަމަޢަށް ނުކުންނަ ދަރިވަރުންނަކީ، ނަޒާހަތްތެރި ދަރިވަރުންތަކެއްގެ ގޮތުގައި ބިނާ ކުރުމަށް މައިންބަފައިންނާއި މުދައްރިސުންގެ ހިއްސާ ބޮޑުކަން ކޮމިޝަނުގެ ރައީސްގެ ޚިޠާބުގައި ފާހަގަކުރައްވާފައިވެއެވެ.
މީގެއިތުރުން، ކޮރަޕްޝަނާ ދެކޮޅަށް ކުރަމުންދާ މަސައްކަތުގައި އެކަށީގެންވާ ނަތީޖާ ފެންނަންޖެހޭކަމަށާއި، އެފަދަ ޢަމަލުތައް ހިންގާ ފަރާތްތަކާމެދު އިންސާފުވެރި ޝަރީޢަތެއްކޮށް އަދަބު ދެވެންޖެހޭކަމަށްވެސް އެކަމަނާ ވިދާޅުވެފައިވެއެވެ.