އެންޓި-ކޮރަޕްޝަން ކޮމިޝަން

 

އޮސްޓްރިއާގެ ވިއެއްނާގައި ހިނގަމުންދާ ޔޫ.އެން.އޯ.ޑީ.ސީގެ އިމްޕްލިމެންޓޭޝަން ރިވިއު ގުރޫޕުގެ 06 ވަނަ ސެޝަނުގައި އެންޓި-ކޮރަޕްޝަން ކޮމިޝަންގެ ފަރާތުން ބައިވެރި ވެއްޖެއެވެ. 01-05 ޖޫން 2015 ގެ ނިޔަލަށް ކުރިއަށްދާ މި ސެޝަންގައި   އެންޓި-ކޮރަޕްޝަން ކޮމިޝަންގެ ފަރާތުން ބައިވެރި ވެފައިވަނީ އެންޓި-ކޮރަޕްޝަން ކޮމިޝަންގެ ރައީސް ޙަސަން ލުޠުފީއާއި، ކޮމިޝަންގެ ނައިބު ރައީސް މުއައްވިޒު ރަޝީދެވެ. މި ރިވިއު ގުރޫޕަކީ ޔުނައިޓެޑް ނޭޝަންސް ކޮނެވެންޝަން އެގެއިންސްޓް ކޮރަޕްޝަން (UNCAC) މުއާހަދާ ތަންފީޒުކުރުމަށް އެކުލަވާލާފައިވާ ގުރޫޕެކެވެ. މި ސެޝަންގެ މައިގަނޑު މަޤުޞަދަކީ ކޮރަޕްޝަން ހުއްޓުވުމަށްޓަކައި މި ގުރޫޕުން ކުރަމުންދާ މަސައްކަތްތަކާ ގުޅޭގޮތުން ހިޔާލު ބަދަލުކޮށް، ކުރިމަތިވަމުންދާ ގޮންޖެހުންތަކާއި، އެ މަސައްކަތް ކުރުމަށް އެންމެ ރަނގަޅު އުޞޫލާއި އަދި ބޭނުންވާ ފަންނީ އެހީއާމެދު މަޝްވަރާކޮށް ޙިޔާލު ބަދަލުކުރުމެވެ.