Loading ...
2016 އަހަރީ ރިޕޯޓް 
ޕޮޒިޓިވް ތިންކިންގ އަދި ޕޮޒިޓިވް އެޓިޓިއުޑް އާބެހޭ ޓްރޭނިންގ 
މަގޭ ވޯޓް – މަގޭ ނަޒާހަތްތެރިކަން” ކެމްޕޭން” 
އެންޓި-ކޮރަޕްޝަން ކޮމިޝަނުން ނަޒާހަތްތެރި ޒުވާނުންގެ ނަމުގައި 22 އެޕްރީލް 2016ގައި ފުވައްމުލަކުގައި ޒުވާނުންގެ ހަވީރެއް ބާއްވައިފިއެވެ. މިހަވީރަކީ ޤައުމީ އެންޓި-ކޮރަޕްޝަން ދުވަސް ފާހަގަކުރުމުގެ ގޮތުން ނަޒާހަތްތެރިކަމުގެ ފޯވަހީގެ ނަމުގައި ފުވައްމުލަކުގައި ހިންގަމުންދާ ޕްރޮގްރާމްގެ ތެރޭގައި ހިމެނޭ ހަރަކާތެކެވެ. މި ހަވީރު ހުޅުއްވައި ދެއްވާފައިވަނީ ޏ.އަތޮޅު ކޮމާންޑަރު ސަބް އިންސްޕެކްޓަރ އޮފް ޕޮލިސް މުޙައްމަދު ޢަބްދުއްރަޙްމާންއެވެ.
މި ހަވީރަކީ ޒުވާނުންނަށް ކޮރަޕްޝަނާގުޅޭ މަޢުލޫމާތު ދިނުމުގެ ގޮތުންނާއި، ނަޒާހާތްތެރި ޒުވާން ޖީލެއް ބިނާކުރުމަށް އެންޓި-ކޮރަޕްޝަން ކޮމިޝަނުގެ ފަރާތުން ކުރަމުންދާ މަސައްކަތުގައި ޒުވާނުންގެ ބައިވެރިވުން އިތުރުކުރުމުގެ ގޮތުން ބޭއްވުނު ހަވީރެކެވެ. މި ހަވީރުގައި އިންފޮމޭޝަން ކޮމިޝަނަރުގެ އޮފީހާއި، ވިލާ ކޮލެޖާއި، ޒިކުރާ ފައުންޑޭޝަނާއި އަދި މި ކޮމިޝަނާއި ގުޅުންހުރި މައުލޫމާތުތައް ޒުވާނުންނަށް ދިނުމަށްޓަކައި ސްޓޯލްތަކެއް ބެހެއްޓިފައިވެއެވެ. މީގެ އިތުރުން ޒުވާނުންގެ ނަޒާހަތްތެރިކަން އިތުރުކުރުމަށް ބާރުއަޅާ ތަފާތު ހަރަކާތްތައް ޒުވާނުންނާ ގުޅޭ ތަފާތު ކުޅިވަރުގެ ހަރަކާތްތަކާއެކު މިހަވީރުގައިވަނީ ކުރިއަށް ގެންގޮސްފައެވެ.