އެންޓި-ކޮރަޕްޝަން ކޮމިޝަން

ނެޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ)ގެ މުވައްޒަފުން 28 އެޕްރީލް 2016 ގައި ނަޒާހަތްތެރިކަމުގެ ޤައުމީ ވަޢުދުގައި ސޮއިކޮށްފިއެވެ. މިކަމަށް ބޭއްވުނު ޚާއްޞަ ރަސްމިއްޔާތެއްގައި ވަޢުދުގައި ފުރަތަމަ ސޮއިކުރައްވާފައިވަނީ އެންސްޕާގެ އިސްވެރީންނެވެ.

މިރަސްމިއްޔާތުގައި ވާހަކަފުޅު ދައްކަވަމުން އެންސްޕާގެ ޗީފް އެގްޒެކެޓިވް އޮފިސަރ އަލްފާޟިލް މުޖުތަބާ ޖަލީލްވަނީ ނަޒާހަތްތެރިކަމާއެކު އެންސްޕާގެ މަސައްކަތްތައް ކުރިއަށް ގެންދާނެކަމުގެ ޔަޤީންކަން ހުރިހާ ފަރާތްތަކަށް އަރުވާފައެވެ.

އެންސްޕާގެ 60 މުވައްޒަފުން ނަޒާހަތްތެރިކަމުގެ ޤައުމީ ވަޢުދުގައި ސޮއިކުރި މި ރަސްމިއްޔާތުގައި އެންޓި-ކޮރަޕްޝަން ކޮމިޝަނުގެ ފަރާތުން ވާހަކަފުޅު ދެއްކެވީ ކޮމިޝަނުގެ ރައީސް އަލްފާޟިލް ޙަސަން ލުޠުފީ އެވެ. މި ރަސްމިއްޔާތުގައި ކޮމިޝަންގެ މެމްބަރުން ބައިވެރިވެ ވަޑައިގެންނެވިއެވެ.