އެންޓި-ކޮރަޕްޝަން ކޮމިޝަން

1437 ވަނަ އަހަރުގެ ރަމަޟާންމަހާ ދިމާކޮށް މުވައްޒަފުންގެ މެދުގައި ދީނީ ހޭލުންތެރިކަން އިތުރުކޮށް، ދީނީ ކަންތައްތަކަށް ލޯބިޖެއްސުމަށްޓަކައި ބޭއްވުމަށް ހަމަޖެއްސި ދީނީ ދަރުސް، 19 ޖޫން 2016 ވީ އާދީއްތަ ދުވަހުގެ 13:00 ގައި ކޮމިޝަނުގައި ވަނީ ބާއްވާފައެވެ. މި ދަރުސް ދެއްވީ އަލްމަސްޖިދު މުޙައްމަދު ތަކުރުފާނުލް އަޢުޡަމްގެ އިމާމު އައްޝައިޚް ހައިޘަމް މުޙައްމަދުއެވެ. ދަރުސްގެ މަޢުޟޫގެ ގޮތުގައި ކަނޑައަޅާފައިވަނީ ” ނަމާދަށް ރައްކާތެރިވުމުގެ މުހިއްމުކަން”އެވެ. ދަރުސަށް ފަހު ދީނީ އެކިއެކި މައްސަލަތުގައި މުވައްޒަފުން ސާފުކުރަން ބޭއްވި ކަންތައްތަކާ ބެހޭ ގޮތުން ސުވާލު ކުރުމުގެ ފުރުޞަތު ވަނީ ދެވިފައެވެ.
މި ދަރުސްގައި ކޮމިޝަނުގެ އިސް ވެރިންނާއި ކޮމިޝަނުގެ ހުރިހާ މުވައްޒަފުން ބައިވެރިވިއެވެ.