Loading ...
2016 އަހަރީ ރިޕޯޓް 
ޕޮޒިޓިވް ތިންކިންގ އަދި ޕޮޒިޓިވް އެޓިޓިއުޑް އާބެހޭ ޓްރޭނިންގ 
މަގޭ ވޯޓް – މަގޭ ނަޒާހަތްތެރިކަން” ކެމްޕޭން” 
ޕްޓެރިކަށް (އަސްލު ނަމެއް ނޫން) މަޑަގަސްކަރުގެ މުނިސިޕަލް ލޭންޑް ޑިޕަރޓްމަންޓާ ހަމަޔަށް އާދެވުނީ 400 ކިލޯމީޓަރުގެ ދިގު ދަތުރަކަށްފަހުގައެވެ. އޭނާޔަށް އެދަތުރު ނިންމާލެވުނުއިރު އޭނާގެ މުސާރައިގެ ދެބައިކުޅަ އެއްބައި ޚަރަދުވެގެން ހިނގަންޖެހެއެވެ. އެތައް ގަޑިއިރަކަށްފަހު އޭނާޔަށް ކިއޫގެ އެންމެ ކުރިޔަށް އާދެވިއްޖެއެވެ. ކަމާބެހޭ ހުރިހާ ލިޔުންތައް ހުށަހެޅުމާއެކީ އޭނާ އެދުނީ ވަރަށް އާދައިގެ ކަމަކަށެވެ. އޭނާޔަށް ބިމެއް ރެޖިސްޓަރ ކޮށްދިނުމަށެވެ. އޭނާއާއި އޭނާގެ އަންހެނުން ރިޓަޔަރ ކުރުމުގެ ކުރިން ގެއެއް އެޅުމަށް ބޭނުންވެއެވެ. އަދި ގެއެއް އެޅުމުގެ ކުރިން އޭނާ ބޭނުންވަނީ ގޯތީގެ ރަޖިސްޓްރީ އޭނާގެ ނަންމަތީގައި އޮތްކަން ކަށަވަރުކުރުމެވެ.
ނަމަވެސް އޭނާޔަށް ހައިރާންކަމެއް ލިބުނީ އޭނާގެ މިއެދުމަށް ޑިޕަރޓްމަންޓުން ދެކޮޅުހެދުމުންނެވެ. ދައްކަންޖެހޭ ހުރިހާ ފީއެއް ދައްކާ ނިންމި ނަމަވެސް ޑިޕަރޓްމަންޓުން ޕްޓެރިކަށް އެންގީ އެޕްލިކޭޝަން ކުރިޔަށް ގެންދިޔުމަށް އިތުރު ފީތަކެއް ދައްކަން ޖެހޭކަމަށެވެ. މަޑަގަސްކަރުގެ އާބާދީގެ %70 ފަދައިން ޕެޓްރިކަށްވެސް ލިބެނީ ދުވާލަކަށް 1 ޑޮލަރަށްވުރެ މަދުންނެވެ. ނަމަވެސް އިތުރަށް ފައިސާ ދެއްކިނަމަވެސް އޭނާގެ އެޕްލިކޭޝަން ކުރިޔަށް ގެންދެވޭނެކަން ޔަޤީން ނުވާތީ ފައިސާ ދެއްކުމަށް އޭނާ ދެކޮޅުހެދިއެވެ.
އޭގެ 5 އަހަރުފަހުން ޕެޓްރިކް، މިދުނިޔެއާ އަލްވަދާޢު ކިޔަން ޖެހުނުއިރުވެސް އޭނާގެ އެޕްލިކޭޝަން ކުރިޔަށް ނުގޮސް މަޑުޖެހިފައި އޮތެވެ. އޭނާ އެތައް އަހަރެއް ވަންދެން ގޯތި ރަޖިސްޓްރީ ކުރަން މަސައްކަތް ކުރިއެވެ. ނަމަވެސް ކޮންމެ ފަހަރަކުވެސް އިތުރަށް ފައިސާ ދައްކަން ޖެހުމުން އަނބުރާ އަންނަނީއެވެ. އޭނާ ނިޔާވުމަށްފަހު އޭނާގެ ދަރީންވެސް އެޕްލިކޭޝަންގެ މަސައްކަތް ކުރިޔަށް ގެންދެވޭތޯ މަސައްކަތް ކުރިއެވެ. ނަމަވެސް ކޮންމެ ފަހަރަކުވެސް އަނބުރާ އަންނަންޖެހެނީ ނާކާމިޔާބާ އެކީގައެވެ. ކޮންމެ ފަހަރަކުވެސް އިތުރަށް ފައިސާ ނުދައްކާނެހެން ހީވުމުން އިތުރު އެޕޮއިންޓްމެންޓެއް ހައްދަން ނޫނީ އެކަމާ ހަވާލުވެ ހުރި ފަރާތް އޮފީހުގައި ނެތްކަމަށް އަންގައެވެ. ނޫނީ ހުށަހަޅަންޖެހޭ ބައެއް ލިޔެކިޔުންތައް މަދުކަމަށް އަންގައެވެ.
އެކުދީންގެ މަންމަޔަށް ރޭޑިއޯއިން މަޑަގަސްކަރުގައި ހުންނަ ޓްރާންސްޕޭރެންސީ އިންޓަރނޭޝަނަލްގެ ޤާނޫނީ ލަފާދޭ މަރުކަޒާ ބެހޭގޮތުން ޚަބަރު ލިބުނުއިރު އޭނާ އެޕްލިކޭޝަންގެ މަތީން ހަނދާން ނައްތާލައިފިއެވެ. ޕެޓްރިކްގެ ޢާއިލާއިން ސެންޓަރަށް ގުޅައި އޭމީހުންނާމެދު ޑިޕަރޓްމަންޓުން ކަންތައް ބެހެއްޓިގޮތް ކިޔާދިނެވެ. އަދި އެމީހުންގެ ފަރާތުން މަރުކަޒުން އަނެއްކާވެސް މައްސަލަ ކުރިޔަށް ގެންދަން ފެށިއެވެ. މަރުކަޒުން އެޕްލިކޭޝަން ކުރިޔަށް ގޮސްފައިވާ މިންވަރު ބެލުމަށް ޑިޕަރޓްމަންޓަށް ސިޓީއެއް ފޮނުވިއެވެ. ދާދި މަދު ދުވަސްކޮޅެއްގެ ތެރޭގައި އެޕްލިކޭޝަންގެ މަސައްކަތް ނިމި ގޯތި ރަޖިސްޓްރީކޮށްދީ ނިންމައިފިއެވެ. 11 އަހަރުވަންދެން ކުރި މަސައްކަތް އެންމެ 2 ހަފްތާ ތެރޭގައި ނިމިގެން ދިޔައެވެ.
މިއީ މިފަދަ އެތައް އެޕްލިކޭޝަންތަކުގެ ތެރެއިން އެންމެ ކޭސްއެކެވެ. ނަމަވެސް މިކޭސްގެ ސަބަބުން ޑިޕަރޓްމަންޓްގެ ހިންގުމަށް އަންނަނީ ތަފާތު ބަދަލުތަކެއް އަންނަމުންނެވެ. މިހާރު ނުނިމި ހުންނަ އެޕްލިކޭޝަންތައް ހުންނަނީ ނޯޓިސް ބޯޑުގައި ޢާއްމުންނަށް ފެންނަ ގޮތަށް ބަހައްޓާފައެވެ. މީގެ ސަބަބުން ކަންކަން އޮޅުވާލުމަށް މިހާރު އޮފިޝަލުންނަށް ދަތިވެއެވެ.
ނޯޓު: މި ލިޔުމަކީ ޓްރާންސްޕޭރަންސީ އިންޓަރނޭޝަނަލް އިން އެ ޖަމާޢަތުގެ ވެބްސައިޓުގައި ޝާއިޢުކޮށްފައިވާ، “ޓްރޫ ސްޓޯރީސް” ގެ ތެރެއިން ނަގާފައިވާ “އަންފެއަރ ޑިސްމިސަލް” މި ލިޔުމުގެ ދިވެހި ތަރުޖަމާއެކެވެ. މި ލިޔުން ޢިލްމީ، އަދި ކިޔަވައިދިނުމާއި އަދަބީ ބޭނުންތަކަށް، ދޭންޖެހޭ “ކްރެޑިޓް” ދީގެން ބޭނުންކުރުމަކީ އަދި ޝާއިޢުކުރުމަކީ ތަރުހީބުދެވިފައިވާ ކަމެކެވެ.