އެންޓި-ކޮރަޕްޝަން ކޮމިޝަން

ވޭސްޓް މެނޭޖްމެންޓް ކޯޕަރޭޝަން ލިމިޓެޑްގެ މުވައްޒަފުންނަށް އެންޓި-ކޮރަޕްޝަން ޓްރެއިނިންގ ވޯކްޝޮޕެއް ( 21 ޖުލައި 2016) ބާއްވައިފިއެވެ. އެންޓި-ކޮރަޕްޝަން ކޮމިޝަނާ، ވޭސްޓް މެނޭޖްމެންޓް ކޯޕަރޭޝަން ލިމިޓެޑްއާ ގުޅިގެން ބޭއްވުނު މިވޯކްޝޮޕް ކުރިއަށް ގެންގޮސްފައިވަނީ ދެސެޝަނަކަށް ބަހައިލެވިގެންނެވެ. މި ވޯކްޝޮޕްގައި ވޭސްޓް މެނޭޖްމެންޓް ކޯޕަރޭޝަން ލިމިޓެޑްގެ 26 މުވައްޒަފުންބައިވެރިވެފައިވެއެވެ.
މި ވޯކްޝޮޕްގައި ނަޒާހަތްތެރިކަމާއި، ކޮރަޕްޝަނާ ގުޅޭ މަޢުލޫމާތާއި، ކޮރަޕްޝަންގެ ޢަމަލުތައް ހިންގިޔަ ނުދިނުމަށް ކުރެވިދާނެ ކަންކަތައްތަކާއި، އަދި ޢާއްމުންނަށް ޚިދުމަތް ދިނުމުގައި ނަޒާހަތްތެރިކަމާއެކު މަސައްކަތް ކުރާނެގޮތުގެ މަޢުލޫމާތު ބައިވެރިންނަށް ވަނީ ފޯރުކޮށްދެވިފައެވެ. އަދި މާލިއްޔަތު ޤަވާޢިދުގެ ތެރެއިން ތަކެތި ގަތުމާއި ޚިދުމަތް ހޯދުމުގައި ހިފަހައްޓަންޖެހޭ މައިގަނޑު އަސާސްތަކާއި ކޮރަޕްޝަނަށް މަގުފަހި ނުވާގޮތަށް ޕްރޮކިޔުމަންޓްގެ މަސައްކަތް ކުރާނެގޮތުގެ މަޢުލޫމާތުވެސް ވޯކްޝޮޕްގެ ބައިވެރިންނަށް ވަނީ ދެވިފައެވެ. ވޯކްޝޮޕްގެ ބައިވެރިންނަށް ވޯކްޝޮޕް ފުރިހަމަ ކުރި ކަމުގެ ހަނދާނީ ލިއުންވަނީ ދެވިފައެވެ.
ދައުލަތުގެ މުއައްސަސާތަކުގެ ތެރެއިން އެތަންތަނުގެ މުވައްޒަފުންނަށް މިފަދަ ވޯކްޝޮޕްތައް ހިންގަވަން ބޭނުންފުޅުވާ އިދާރާތަކަށް އޭސީސީގެ ފަރާތުން މި ފަދަ ވޯކްޝޮޕްތައްދަނީ އިންތިޒާމްކޮށްދެމުންނެވެ.