އެންޓި-ކޮރަޕްޝަން ކޮމިޝަން

މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން 12 އޮގަސްޓް 2016 ގައި ބޭއްވި ކުޑަކުދިންގެ ހަވީރުގައި އެންޓި-ކޮރަޕްޝަން ކޮމިޝަން (އޭސީސީ)އިން ބައިވެރިވެއްޖެއެވެ. ހަވީރު 4:00 އިން 6:00އަށް، ހުޅުމާލެ ސެންޓްރަލް ޕާރކްގައި ބޭއްވުނު މިހަވީރުގައި ދައުލަތުގެ މުއައްސަސާތަކާއި، ކުންފުނިތަކުން ބައިވެރިވެފައިވެއެވެ.
އޭސީސީގެ ސްޓޯލްއިން ނަޒާހަތްތެރިކަމާ ގުޅުންހުރި މަޢުލޫމާތާއި، އެންޓި-ކޮރަޕްޝަން ކޮމިޝަނާ ގުޅޭ މަޢުލޫމާތު ފޯރުކޮށްދެވިފައިވެއެވެ. އަދި ނަޒަހަތްތެރި ކަމަށް ކުޑަކުދިންގެ ހޭލުންތެރިކަން އިތުރު ކުރުމަށް މަގުފަހިވާގޮތަށް، ތައްޔާރުކޮށްފައިވާ، ކުޑަކުދިންނާ ގުޅޭ ކުޅިވަރުތައް މި ސްޓޯލްގައި ހިމެނިފައިވެއެވެ. މި ސްޓޯލަށް ގިނަ ޢަދަދެއްގެ ކުދިންނާއި ބެލެނިވެރިން ޙާޟިރުވެ، ކުޅިވަރުތަކުގައި ބައިވެރިވިއެވެ.