އެންޓި-ކޮރަޕްޝަން ކޮމިޝަން

މިއަހަރުގެ ޤައުމީ އެންޓި-ކޮރަޕްޝަން ދުވަސް ފާހަގަކުރުމުގެ ގޮތުން ހުޅުމާލެ ކުޑަކުދިންގެ ހިޔާ (ފިޔަވަތި) އަށް ބޭނުންވާ ބައެއް ތަކެތި އެންޓި-ކޮރަޕްޝަން ކޮމިޝަން (އޭސީސީ) ގެ ފަރާތުން ކުޑަކުދިންގެ ހިޔާއަށް ހަދިޔާ ކޮށްފިއެވެ. 21 އެޕްރީލް 2017ގައި، ފިޔަވަތީގައި އުޅޭ ކުދިންނަށް ބޭއްވުނު ޚާއްޞަ ކުޑަކުދިންގެ ހަވީރެއްގައި ފިޔަވަތީގެ ފަރާތުން މިތަކެއްޗާއި ޙަވާލުވެލެއްވީ ފިޔަވަތީގެ ޗީފް އޮޕަރޭޓިންގ އޮފިސަރ ފާޠިމަތު ޝިޔާމާ އެވެ.

އިޖުތިމާޢީ ކަންކަމުގައި އޭސީސީގެ ބައިވެރިވުން އިތުރުކުރުމުގެ މައިގަނޑު މަޤުޞަދުގައި ބޭއްވި މި ހަވީރުގައި އޭސީސީގެ މެމްބަރުންނާއި މުވައްޒަފުންގެ އިތުރުން، ހުޅުމާލޭގެ ކުޑަކުދިންގެ ހިޔާގައި ތިބި ކުޑަކުދިންނާއި މުވައްޒަފުން ޙަރަކާތްތެރި ވިއެވެ. މި ހަވީރުގައި ކުޑަކުދިންނަށް އަމާޒުކޮށްގެން ތަފާތު ގިނަ ކުޅިވަރުތައް ކުރިއަށްގެންދެވިފައިވާއިރު، ކޮންމެ ކުއްޖަކަށް ޚާއްސަ ހަދިޔާއެއްވެސް ދީފައިވެއެވެ. އޭސީސީގެ މުވައްޒަފުންގެ އަމިއްލަ ޚަރަދުގައި މި ފަހަރު 22 ސީލިންގ ފަންކާއާއި 20 ގޮދަޑި ހަދިޔާ ކުރިއެވެ.