އެންޓި-ކޮރަޕްޝަން ކޮމިޝަން

ސްމޯލް އައިލެންޑް ޑިވެލޮޕިންގ ސްޓޭޓްސް ޓެކްނިކަލް ކޯޕަރޭޝަން ޕްރޮގްރާމްގެ ދަށުން 29 މޭ 2017 ން 2 ޖޫން 2017 ށް ސިންގަޕޫރުގައި ކުރިއަށްދާ “ސިންގަޕޯރ އެންޓި ކޮރަޕްޝަން ސްޓްރެޓެޖީސް” ޓްރެއިނިންގ ޕްރޮގްރާމްގައި އެންޓި-ކޮރަޕްޝަން ކޮމިޝަންގެ ފަރާތުން ބައިވެރި ވެއްޖެއެވެ. މި ޓްރޭނިންގ ޕްރޮގްރާމުގައި އޭސީސީގެ ފަރާތުން ބައިވެރިވެ ވަޑައިގަންނަވަނީ ކޮމިޝަންގެ މެންބަރު އަލްފާޟިލް ޔަޒްމީދު މުޙައްމަދެވެ.

މި ޓްރެއިނިންގ ޕްރޮގްރާމްގެ މައިގަނޑު މަޤުސަދަކީ ކޮރަޕްޝަން ހުއްޓުވުމަށާއި އެންޓި-ކޮރަޕްޝަން ސްޓްރެޓަޖީ ތަންފީޒް ކުރުމަށް ސިންގަޕޫރުގައި ގެންގުޅޭ ފިލޯސޮފީތަކާއި ނަޒާހަތްތެރި މުޖުތަމައެއް ބިނާކުރުމަށް ކުރެވިދާނެ ކަންތައްތަކާ ބެހޭގޮތުން ތަޖްރިބާ ހިއްސާ ކުރުމެވެ. މިއީ ސިންގަޕޯރގެ ޓެކްނިކަލް ކޯޕަރޭޝަންގެ ޕްރޮގްރާމްގެ އެހީތެރިކަމާއެކު ކުރިއަށްގެންދާ ޕްރޮގްރާމެކެވެ.